ADONAIRARE é unha agrupación de música tradicional galega, integrada dentro da Asociación Cultural Barqueiro de Vilaboa (Pontevedra), que se constitúe en setembro de 2001 baixo a dirección de Eva Blanco (compoñente do grupo Anubía). Baixo esta dirección comenzan as nosas primeiras andainas ata o ano 2003.

É no ano 2004 cando a dirección do grupo é tomada por Luis Prego (compoñente do grupo Ardentía), conformándose pouco a pouco o que actualmente é o grupo de pandereteir@s ADONAIRARE.

Dende entón comézase a realizar actuacións por todo Galicia, unhas veces como agrupación musical e outras acompañando a grupos de baile como ALBENDEIRA de Vigo.

Cun cariño especial gardamos actuacións como as realizadas en:

• Acompañamento ó grupo de baile ALBENDEIRA de Vigo, nas festas de Xinzo da Limia - [Agosto 2005]
• Acompañamento ó grupo de baile ALBENDEIRA de Vigo, nas festas de Monforte - [Agosto 2005]
• Grabación en estudios LITIUM (Pontevedra) para a representación teatral da Feira Franca (Pontevedra) - [Agosto 2005]
• Participacións nos Obradoiros de Astronomía e Astrofísica da Universidade de Vigo - [dende o ano 2005]
• Entroido de Cobres - [Febreiro 2008]
• Boda duns amigos no Castelo de Soutomaior - [Outubro 2008]
• Festa da Carne Richada en Forcarei - [Decembro 2008]