www.facebook.com/adonairare

ADONAIRARE é unha agrupación de música tradicional galega, integrada dentro da Asociación Cultural Barqueiro de Vilaboa (Pontevedra), que comeza a súa andaina no ano 2001 no curso de pandereta e canto tradicional impartido por Eva Blanco (compoñente do grupo Anubía).

É no ano 2004 cando se conforma o grupo baixo a dirección de Luis Prego (compoñente do grupo Ardentía), construíndose pouco a pouco o que actualmente é o grupo de pandereteir@s ADONAIRARE.

Dende entón comézase a realizar actuacións por todo Galicia, unhas veces como agrupación musical e outras acompañando a grupos de baile como ALBENDEIRA de Vigo.

Cun cariño especial gardamos actuacións como as realizadas en:

  • Acompañamento ó grupo de baile ALBENDEIRA de Vigo, nas festas de Xinzo da Limia - [Agosto 2005]
  • Acompañamento ó grupo de baile ALBENDEIRA de Vigo, nas festas de Monforte - [Agosto 2005]
  • Grabación en estudios LITIUM (Pontevedra) para a representación teatral da Feira Franca (Pontevedra) - [Agosto 2005]
  • Participacións nos Obradoiros de Astronomía e Astrofísica da Universidade de Vigo - [dende o ano 2005]
  • Entroido de Cobres - [Febreiro 2008]
  • Festa da Carne Richada en Forcarei - [Decembro 2008]
  • Gravación do CD "Coplas de Estrelas" nos estudos da Radio Galega - [Novembro 2009]
  • Presentación no Muiño Vello de Redondela - [Febreiro 2010]
  • Vodas no Castelo de Soutomaior, no Convento de Vilavella en Redondela, na Casa Rectoral de Cobres ou no Parador de León
  • Participación co grupo teatral Avelaíña de Pontevedra nos Cantos de Taberna durante as Festas da Peregrina 2012 (Pontevedra)
  • Organización e participación no Festival Folclórico Internacional (Vilaboa) 2013, compartindo escenario co grupo peruano JALL MAY ALTO FOLKLOR e a Asociación Folclórico Cultura e Xuvenil Meiramar-Axóuxeres
  • Apertura de foliadas no Salasón (Cangas)