www.facebook.com/adonairare

Novembro 2009

ADONAIRARE grazas o traballo e bo facer da súa cantareira máis estelar, Ana Ulla, participa na gravación do CD "Coplas de Estrelas" pertencente ó proxecto "Contos e Coplas de Estrelas", organizado co gallo do Ano Internacional da Astronomía (AIA) polo Consello Superior de Investigacións Científicas (CSIC) e a Universidade de Vigo (UVIGO) e a colaboración da Radio Galega.

> Coñece máis sobre ...

 

O PROXECTO

O proxecto “Contos e Coplas de Estrelas” engloba ciencia, literatura e música, co obxectivo de vencellar a sabedoría popular coa astronomía nun formato atractivo que chegue o gran público.

Inclúe a tradución ao galego do libro “Contos de Estrelas” incluíndo un conto popular galego, a gravación dun CD con coplas tradicionais galegas que fan referencias os astros, e un concerto de presentación do material con astrónomos, contacontos e música de coplas.

O proxecto divídese en tres bloques:

  1. Tradución ao galego do libro “Cuentos de Estrellas” (de Rosa Mª Ross, editado polo CSIC) e inclusión dun conto galego. Esta publicación é unha recompilación de contos de todo o mundo na que os astros son os protagonistas. Cada relato vai acompañado da correspondente explicación científica e, tanto o deseño gráfico como as ilustracións son moi atractivas.
    .
  2. Edición do CD: “Coplas de Estrelas”. CD con coplas e cantos populares galegos relacionados coa lúa, as estrelas e o cosmos.
    .
  3. “Noite de Contos e Coplas de Estrelas”. O material divulgativo elaborado presentouse nun evento lúdico dirixido a tódolos públicos, que tivo lugar na cidade de Vigo o sábado 21 de novembro de 2009 coincidindo coa Semana da Ciencia 2009. Co título “ Noite de Contos e Coplas de Estrelas” os participantes poideron escoitar contos, bailar a música das coplas e aprender das explicacións das astrónomas.
    Descarga o cartel do evento facendo click aquí.

 

O CD "COPLAS DE ESTRELAS"

CD con coplas e cantos populares galegos relacionados coa lúa, as estrelas e o cosmos. Trátase dun traballo que combina a etnografía coa astronomía. O grupo de música popular Adonairare de Vilaboa (Pontevedra), interpreta coplas, cantos de berce e cantos de reis típicos da cultura tradicional galega, recollidos previamente e clasificados por zonas xeográficas. O CD presentase cun libreto coas letras das coplas e pequenas explicacións científicas a referencias astronómicas que se fan nas coplas (por exemplo, por qué algunhas estrelas chamábanse  “leiteiras”).

> Contido do Cd ...

  1. Santa María Strela do día (Cantiga nº100 de Afonso X o Sabio, con arranxos de Quico Comesaña)
  2. Muiñeira de Montillón (Adonairare, tradicional)
  3. Mazurca de Mondariz (Adonairare, tradicional)
  4. Xota de Laxoso (Adonairare, con arranxos de Luis Prego)
  5. Alalá de Vilalba (Susana Seivane)
  6. Rumba de Monzo (Adonairare, tradicional)
  7. Pasodobre de Imende (Adonairare, tradicional)
  8. Xota do Universo (Adonairare, con arranxos de Benigno González e Ana Ulla)
  9. Devina estrela (Adonairare, tradicional)
  10. Deneb (Berrogüetto)